ZOMI CHRISTIAN FELLOWSHIP, DELHI

ZCF ten Lungdam Pawi (Kristmas), Community Hall, Netaji Nagar, New Delhi a nuamtah in I jang jouta ua, I thupi uh mabang in ‘Nahpi a Nuamna’ ahi mabang in michin tung a Nahpi Nuamna tahtah ahing tung ta hi. I Mitte (eyes) uh suhvah in aumta ta a- I Mang Jesu mellawm nou I muta uhi, I Lungsimte(Heart) uh kihong in –Kiniemkhiet in ama I bieh uhi, I Sumbawmte(purse) uh kihong in I Mang Jesu pienni (Kristmas) pawi bawlna ding leh a nasepna ding in I soh khe sausau ta uhi.

Kipahna Kristmas I pahtawi jing laiun, Kumtha 2009 meltha ahing sua khe ta a, ei ZCF ten ‘A KISAN THEI HUN’ 2Korinth 6:2’ thupi ajang in 2009 vaidawn na gualnop thupi tah in I nei thei kiata uhi. Kum 2008 sung, tuh-le-khal, nopni-dahni, asuh-atou a hing puijing leh gualjolna chikim hingpePa I bieh Pasien min thupitah in toisangin aum hi. Kum 2009 sung ahing mapui ding leh gualjol nalai dingte jiehin jong nahpi in I pahtoi uhi. Read more…

News Christmas, ZCF

Prize Distribution

Zomi Christian Fellowship Delhi in kumtha lopna NDMC Community Hall, Netaji Nagar, New Delhi ah jinglam nai 11 apat janlam nai 8 sung noptah leh khela tah in ki zang. Kikhopna 11am in kipan hi. Kikhopna ah Pastor Rev. David K. Samte in kumtha thupuon in tukum 2009 pen “Year of Prosperity” (Hamphat kum, lawchin kum, daupai kum, kiningchin kum) chin puongkhie hi.

Kikhopna Assistant Secretary, Pu Khakhai Zou in conduct hina la hi. Hunpatna Nh. Ching Neih Kim hi a, hunpi Pastorpa’n zang hi.

Kikhopna zaw ahi tah in mipite’n hall mai ah kimawlna chi tuom tuom ki nei hi. Mipi milip in kimawlna ah kihal in nop kisa chiet hi.

Naupang neupen apat upa a tehse pen tan in kimawlna ah ki tel chiet hi. Nita nai 4 in annkuong imna kinei a, tuochi’n kikhopna pat pai ahikiata hi. Nita kikhopna ah Tv. Thangsuonmung in conduct na la in Nu Lunkhannuom in hunpatna nei hi. Hunpi ahileh Tv. Nang Muan Kham B.D.

Read more…

News ZCF