Sawm-a-khat
SAWM-A-KHAT
Sawm-a-khat thuhunlui lai a dan nuai a Israel te’n a pieh uh ahia, tu thu huntha hun ah piah ding thu
Laisiangthou in a gen kha sih chipawl khat aum hi.
Dawnna: (a).Thuhunlui lai a pat akipan in dan thu kipieh malang peh in Israelte nambulpipa leh ei
gingtute pa Abraham in sawma khat gallak sumte apat in ana pia hi(Gen.14:20). Abraham tupa Jakob,
Israel minam 12 suangdohpan zong danthupieh um malang peh in sawm a khat pieh ding Pasian kung
ana chiam hi(Gen.28:22).
(b).Dan hun in Pasian in amite in Biehbuh nasemte, mizawng-tasamte leh meigongte a dinga nehding a um theina dingin sawm akhat piah ding ana thupiah hi(Diut.14:22-29). (c). Thuhuntha ah zong Mangpa Jesun piahding agen hi(Matt.23:23). Thuhuntha hun a Pasian nasem Pastorte, thugentute, missionaryte leh sinsahtute(Eph.4:11) kivahna dinga Pasian miten Pasian mite Kikhopna mun a hing piehkhawm ding uh ahi(I Cor. 9:13-14; 16:1).
Pasian miten sawm a khat pia uhi :
1.Pasian in pia un achi jiah in apia uhi(Mal.3:10)
2.Pasian tunga alungdamnajiah un apia uhi(Gen.14:19-20)
3.Pasianthupha ngahna ding in apia uhi(Mal.3:10)
4.Pasin jahtatna in apia uhi(Proverbs 3:9)
5.Pasian kam maia itlou in naseptoh it in apia uhi(IJo.3:18)
6.Pasian tunga adihtat utna toh apia uhi((Matt.5:6)
7.Pasian nna sepna leh huh nopna jiah in apia uhi (Phil.4:10)
8.Pasian kipana bawl utna toh apia uhi(Phil.4:18).
9.Pasian alunggul zing jiah un apia uhi(Matt.6:21)
10.Pasian Vangam a goukhawl na in apia uhi(Matt.6:21).
Recent Comments