ZOMI CHRISTIAN FELLOWSHIP, DELHI

New Delhi, November 28, 2009: Zomi Christian Fellowship Delhi Youth Department saina tawh Pasianni, November 29, 2009 nitalang nai 1 apat nai 4 sung Free Church, New Delhi ah ZCF Youth ICON 2009 lasak kidemna om ding hi.

From ZCF Youth Icon 2008

Tukum ahileh a 2veina ahita hi.

Niingkum in ZCF Delhi member suan bek hi a,tukum in khangnote vaihawmsiamna tawh ZCF a ana pemkhie Fellowship leh pawlpi tengteng uap in kisai hi.

Niingkum in Nh. Niki Cing Lun Mang in ZCF Youth ICON 2008 title la hi.

News

THU UM TE pen Laisiangthou in thupha ngah dinga pian sak ihihna thu teltak in gen hi.

KORIN MASA 8:9: “Bang hang hiam cih leh i Topa Jesuh zong hau mahmah napi-in ama zawn’na tawh note mihau na suahtheihna dingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.”

PAUNAK 10:22:” Topa’ thupha in mite hausak a, dahna leh gimna tawh piakhawm lo hi.

TIMOTI MASA 6:17: “ Tuhuna a hau mite kisatheikha loin, a kiplo hauhnate muan’ leh

suan’in neikha loin, eite in nuamtakin i zat theihdingin citna tawh a hong pia Pasian a muan’

asuan’ nading un na hilh in.”

LATE 33:5: “ Amah in thuman leh thutang deih a, leitungah Topa’ itna kip a kidim hi.”

LATE 115:16: Vantung pen Topa-a’ hi a, ahih hangin leitung pen mihingte tungah hong piakhi

ROM 8:17; 32: “Eite pen ama ta ihih manin mitea’ dingin a koih thuphate i ngah banah Khrih-a’

dingin a koihte zong i ngahkhawm lai ding hi. Ama Tapa nangawn sitloin eite khempeuh-a’ dingin hong piakhia ahih manin, na dang khempeuh zong hong piazaw kan ding hilo ahi hiam?”

KORIN NIHNA 1:20 “ Pasian’ thuciamte khempeuh a hihpa pen amah ahi hi. Tua ahih manin Jesuh Khrih hangin Pasian phatin, “Amen,” i cihna zong hih thu hang mah ahi hi.”

ISAIAH 48:17: “Israel-te’ Siangtho Pa, nangmah hong hon Topa in: Phattuamna na ngahna dingin nang a hong hilh, na zuih ding a kilawmlampi ah a hong paipih Topa na Pasian ka hi hi.”

THU HILHKIKNA 8:18: ” Tuni a mah bangin na pu na pate uh tungah a kiciamna a kipsak theihna dingin, na hauhna dingun vangliatna a hong piapa amah ahih manin Topa na Pasian uh na phawk ding uh hi.”

PIANCILNA 24:1: ”Tu-in Abraham teekin a kum tam mahmah ta hi. Topa in na khempeuhah

Abraham thupha pia hi”

News

ANNTANG

Laisiangtho ah Thuciam lui hihenla Thuciam thak sung hitaleh ‘anntang’ cih kammal imu tam mah mah hi. PasianMinamtel ahi Isarel ten kumkhat a khatvei teitei beek ann atan ding uh Pasian thupiak ahi hi. Pasian mizat leh lamkai ahi Moses,Elijah, Daniel cihte leh kumpi tampi ten anntan na toh Pasian maipha na zong uhi. Thuciamthak sung ah Sawltakte laibu sung ah pawlpi mimasa te’n anntan na toh

lungdamna thupha gendingte tunga khut ngain na sawl khia ta uh hi. Pawlpi upa ding a seh ding ciang un zong anntang in Pasian na dawng uhi. Methodist

pawlpi makai ahi John Wesleyin Kaal khat sunga 2vei ta anntang ning a cilou te Pawlpi sie sem ding in namdet lou hi.

Anntanna in pumpi silehsa deihna hoihlo teng hawlmang hi. Pumpi deihna pen Pasian langpang ahih manin isihsak ding kul hi. Misiangtho Paul in zong amah leh amah pumpi tung gim kipia in Pasian deihna banga anuntak zohna ding a hanciam hi.

Anntanna in Pasian mai ah kineusakna ahi hi. Kumpi David in “ anntanna toh Pasian mai ah kaki neu sak hi “ na ci hi(Late 35:13).

Anntanna in Pasian thu thukte ong tel siam sak hi. Khangnou Daniel in nitampi anntang in Pasian thu thukte na kan a, Pasian in na musak, na theisak hi.

Anntanna toh Pasian deihna i zong ding hi. Ezra lmakaihna in Pasian mai ah anntang in Pasian deihna na zongin thu nangen uh a, Pasian in a thungetna

uh sang hi(Ezra 8:22-23).

Anntang in cidamna ding leh dawimangpa bawl siat na pan a i suahtakna ding thu i ngen ding hi. (Isaiah 58:6,8; Matt.17:21).

Anntangin midangte suahtak nading thu i ngetsak ding hi. Kumpinu Esther in anasem numeite toh aminam nuntakna ding in anntang a thu anget tak ciang,ami pihte kithat louin suakta uhi.

Thuhaksa, Vaihaksa, i tung hongtun ciang anntangin thu ngen le hang Pasian in hong gualzo sak ding hi. (II Chronicles 20).

News

Cidam taka i nuntak ding pen Pasian deihna ahi hi. Cinatna pen Eden a mohna hang a piangthu ahi hi. Mohna hang in cinatna piang hi. Pasian thuman louhna hang in cinatna piang hi. Pasian thukhun tunga gamtat khelhna hangin kici na in sihna dong ciang ki tuak thei hi. Cinatna pen Dawimangpa bawlsiatnaahi hi. Cinatna Pasian kiang pan zong kitang thei hi.

Pasian in cinatna damsak thei hi. Dawimangpa tung zong thunei hi. Cidamna dingin Pasian in Laisiangthou ah hibang in gen hi.

Pasian Tapa Jesuh : “Hih Dawimangpa’ nasepna a beisak dingin Pasian’ Tapa a hong pai hi” (Johan Masa 3:8b). “ Nazareth khuami Jesuh tungah Pasian in Kha Siangtho leh vangliatna pia a, Pasian in a ompihna hangin tua Jesuh in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi” (Sawltakte 10:38).

“Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theihna ding in Jesuh in mihing pian’zia mah hong neiphot hi (Hebru 2:14). “Tua mah bangin Satan in Abraham’ suante khat ahi hih numei pen kum sawmlegiat sung hencip hi. Hih a kihencipna panin Sabbath ni-in hih numei khahkhiat ding kilawm hilo ahi hiam?” a ci hi(Luka 13:16).

Pasian Thuzuihna: “Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uh leh, Egypt mite’ tungah ka tun’sak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsakpa ka hi hi”(Paikhiakna 15:26).“Ka ta aw, ka thugente don in la, ka

kammalte ngaiin na lungsimah ciamteh in. Bang hanghiam cih leh tua thu a zuite in nuntakna leh cidamna in anei uhi”(Paunakte 4:20-22).

Mawhna ki maisak: “Upna tawh thu a kinget ciangin Topa in cinate noptuamsakin, damsak ding a, mawhna nei ahih leh zong a mawhna maisak ding hi. Tua ahih manin na ci uh a damna dingin khatlekhat tungah na mawhna uh kipulakin thu na kingetsak ta un. (James 5:16). “Tua ciangin Jesuh in numei kiangah, “Na mawhnate hong kimaisak khin hi,”..Na upna in nang hongdamsak khin ta hi” a ci hi (Luka 7: 48,50).

News

Laisiangthou in a gen Pasian gintatna pen Pasian in silthonpiah a ahing piah ahia, (Eph. 2:8), Pasian silbawl theina toh kijop ahi (I Cor 2:5). I gintat ding Pasian khu bangkim siamtu ahia ( Jn.1:3), silbangkim tung a thuneitu ahi hi (IChron.29:10-12). Khum Pasian ngelkhu gintat huai mwng ahia, a kamteng zong gintat ahuai mawng mawng hi (Num.23:19).

Mikhat in Pasian a gintat tah tah chiang in aki mutheilou a Pasian gintatna khu Pasian silbawltheina leh thuneina toh hing kizop in aki muthei silte in a Pasian gintatna khu a hing gah doh zel hi.

Miten Pasian gintatnatoh kal na suan in sil loupi tah tah na sem khia uhi. I gintat ding thuchiam hing chiampa leh a thuchiam tang tungsah ding pa Pasian gingta te’n a gintat zaza uleh amuan ngam zaza uh a muta uhi. Aziah pen laisiangthou in “koizong a gingta pouma kizum sua sih va” achi hi (Rom 10:11).

AB Simpson in “ Pasian gintat pen patep thaw ding ahiai sukkhah mai mai ding bep hilou in Pasian thuchiam tung a kiphengpha mai ding ahi” achi hi.

Pasian in lamkai Joshuo kung ah “Na keng phang ua na tot khah na chin chin uh ka hing pe ding hi” achi hi (Joshuo 1:3).

Pasian muan na toh bangkhat poupou tung a kal suan ngam pou pou lei aman ang pichin sah ding hi. Pasian in thu khat a chiam leh abawl teitei dinga anamdet sa ahita hi.

News

A hampha minam suahna ding thu kikum lei ut huai sa ing. Minam bup i chi chiang in mimalmal, innkuan kuan leh behtang sung teng igenna ahi hi. Mimal mal, innkuan kuan leh batang sung chiet in hamphat na i hing nga chiang un minam hampha ihing hi ding hi. Hamphatna nga na dingin Pasian thei minam, Pasian nei minam, Pasian zaahtaat minam leh Pasian thuzui minam ihih ding ahi.

Pasian thei: Pasian thei i chi chiang in Pasian zau, Pasian ngaisah, Pasian iit chite a huap hi. Laisiangthou in “ Mi a Pasian thei te’n vannuai ah sil loupi tah tah a phawl doh uhi ( Dan.11:32). Pasian khuah a theina leh pilna a thei na mai hilou in i theina ah mihepina ihal ding thu Laisiang thou in agen hi. Pasian itna leh hepina tellou Pasian thei na khu panna bei ahi hi.

Pasian nei: Pasian gingta mai hilou in Pasian nei minam ihi ding ahi. ‘Mangpa Pasian anei minam khu -a hampha minam ahi (Psa.33:6). Israel te’n mangloubang ana paisa uh Vanleng Mang Gou manpha suang mantam keia chiin laphuah ten ana phuah uhi. Ahi, innlam miten ana deilou uh aninga suangmanpha leh phatuom pen minam Krist neitu te khu ahampha minam hi tah tah vawt hi.

Pasian zahtat: Pasian zahtat,Pasian zau ten dihtatlouna zousia ataisan uhi. Pasian gam leh adihtatna sui masa ten a poimaw zousia anei suoh kei uhi. Pasian sui miten tahsap bangma anei sih uhi(Psa.34:10).

Midihtat hamphatna: Mangpa jahtat a athupiehte kipahpih mi khu mihampha ahi. Mihoi ta te khun mite gamsung ah silbawltheina hing nei va un,ahah asuanten zong guolzawlna khu tang ta va uh (Psa.112:1,2).

Pasian thu zui: Pasian thuzui ichi chiangin Pasian deilam bawl china ahi(Matt.7:21). Pasian thuzui ichi chiangin Pasian lungsim bang lung sim nei china ahi(Phil.2:1).Tualeh Pasian thuzui i chi chiang in Pasian umdan aum china zong ahi (Eph.5:1). Mualtunga Mangpa Jesu’n a thugenna ah ahampha minam suahna ding suangphum kichientah in a gen hi. “Koi pou ka thu get te ngaikhia a zop tapou khu mipil suangpi tunga innlam toh kibang ahi hi(Matt.7:24)

ana chi hi.

“A thununte Mangpan anahsah zing a,tuachiin leitung khu amaua hing hi zing zing ta va. Mangpa guolzawl aumte vangin leitung aluo ding uhi”(Psa.37:18,22).  Mangpa i tung ua alungkim pou leh aminamtel Israelte bang in eite zong gam nuam tah, gam hausa leh kining ching ahing pe ding hi. Pasian ngaisah khu Politics siangthou leh thahat pen ahi.

Articles