ZOMI CHRISTIAN FELLOWSHIP: DELHI

(October 28-30, 2011)

- Rev. J.M. Ngul Khan Pau

Delhi ZCF ah hun zang ding cih thu chairman Pa Swan Za Lian tawh facebook panin kihona hong taksuah ahih manin Topa tungah lungdam thu ka puak masa hi. Fellowship in hih hungeelna adingin thungetna kum nih sung khawng na phawk khin uh ahih manin Kha Siangtho ompihna kithei ciat hi. Kingfisher vanleng tawh Guwahati panin New Delhi dong ka leng a, New Delhi vanlengtual thak na thupi mahmah ahih manin gamdangte tawh kibangin na etlawm mahmah hi. Pastor Jangkholun Mangte, Mission Committee ading sumkem Cing Neih Kim leh Gin Sian Lian in amau mawtaw hawlin hong na dawn uh hi. Vanleng tungah thungetna leh Philippi laibu simna hun hoih ka ngah thei hi.

Tutung Revival Crusade thulu dingin Pressing on cih Philippi 3:12 panin kila hi. Free Church, Methodist Pawlpite biakinn ah kikhopna a neih zawh uh kum sawmnih cing khinzo hi. Tua hangin Free Church pawlpi mite’n zong amau pawl mi bangin tuat uh hi. Khuahun vot hiauhiau tawh Delhi adingin hun nuam penpen laitak-a zin kha ka hihna ka phawk hi. Gennop tampi a om hangin genloh theihloh pawlkhat hih anuai a bangin kong gelh hi.

1. Thungetna: Thugen mite’n Pawlpi leh Fellowship khawng ah thugen dingin i pai ciangin thungetna tawh limtakin ki-apna a neisa ana om leh i thugen ciang zong kithei hi. A lei nip leh taak cih thugen ciangin theihna kinei hi. Delhi ZCF zong lei nip tampi omna ahih manin thugenna hun khempeuh haksatna om loin ka zo thei hi. Amau sungah anntang thungetna a zang thei nupi papi a kipan numei naupang tamsim pian uh hi. Thungenngen innkuan leh Pawlpi pen kilamdanna om teitei hi. Nu leh pate bekin anntang thungetna nei hi loin naupang pawl khat zong mabung thei uh ahih manin manpha kasa hi. Khitui tawh khaici tuh mi bangzah hiam omna munah kizat pen i pumpi a gim hangin i kha tawldam mahmah hi. Thungen taktak mite tate zong amau sungah Pasian dangtakna nei uh hi. Nu leh pate’n ci bangin na al uh ahih manin tate zong nuntakna tui hong zong uh hi.

2. Zintunna leh giahna: Zintunna zong YMCA Tourist Hotel ah hong koih uh a, room nuam mahmah ah ka tawldam theih ding hong hanciampih uh hi. Kikhopna hun nitak lam nai 2:00-7:00 ahih manin tawlngakna hun hoih tak ka nei thei hi. Khatveivei u leh nau kiangah i giah nop hun a om hangin hih bangin hungeelna i zat ding ciangin giahna khawlna a tuam ahih leh thungetna leh tawlngakna deih bangin kingah theizaw hi. YMCA Tourist Hotel pen CBCNEI ah kasep lai-in Delhi ah khualzinna ding kihau mahmha a, tua hun a kipan ka zintunna mun ahi hi. Tua ahih manin sumbuk vanleina ding leh vak pakna dinga kiim leh kiang ka theihsa hi. Hih bangin giahna mun nuam hong vaihawmsak uh ka lungdam mahmah hi.

3. Phatna leh Biakpiakna: Khangnote in thungetna taktak tawh la hong makaih uh ciangin Pasian phatna hun zong thupha tampi kisang hi cih ka phawk hi. Tutung hungeelna ah phatna leh thugenna bek kikoih a, thudang la dang gen ding kikoih vet lo hi. Tua hangin biakpiak phatna nai lang panin minute sawmli sung bang kinei ziahziah hi. Suakta takin Pasian a kiphat ciangin thugente adingin vaipi khat kikhin zo cih kithei hi. Mitsi kawmkawm in khangnote’n Topa hong phatpih i muh ciangin, lungkimna hong lian mahmah hi. Topa adingin khitui, hun, sum leh pai i sup ngam ciangin Topa in thupha tawh hong thukkik teitei hi. Pasian min tawh sum’ ngam leng tawntung adingin metna lampi hi hamtang hi. ZCF a nop mahmahna bel Zomi sunga pau nam tuamtuamte’ la kisa ziahziah ahih manin vangam malep lim khat bangin ka tuat hi. Pasian sungah i ki-it theih kei leh leitung thu ah ki-it ding haksa mahmah leh kilawm hi. Hih bangin Topa itna leh phatna pau cikim tawh i neihkhop ciangin, “En un, sanggamte pumkhat suakin a tutkhawm uh ciangin bangzahin hoihin nuam ahi hiam” (Late 133:1) ka phawk hi. ZCF Khangnote’n Phatna La video album a bawlsan laitak uh ahi hi. Hong khahkhiat ciangin na lei leteh na kisik het kei ding hi.4. Pasian thu mah delh tangtang: Delhi khuapi a liat mahmah hangin Pasian bia dingin hong delh tangtang nupi papi leh khangnote ka muh ciangin “nuntak gimnam” kasa hi. Etnopna, gualnopna leh kikawmna sum leh pai tam beina khuapi sungah biakinn lam hong zuan teiteite in lungsim hong lawng mahmah hi. Hih bangin Pasian a zong leh biakna pia ding hong kizui khangnote ka et ciangin, “Amaute kalsuan Pasian mit ah bang zahin a etlawm tam?” ka ci hi. Sangkah laisim lai-in Pasian thu tua zah takin limsak ding hi kei cih bang kigen thei hi. Nu leh pa pawlkhat in, “Delhi ah laisim dingin om na hih manun lai mah hong sim tangtang unla, kikhop nangawn a hunkhop ciang hong thei un,” ci-in a tate uh hilh thei hi. Ahi zongin Pasian loin lawhcinna kuitung ding omlo hi. America gama Zomi te’n zong nai khat nai nih amau mawtaw hawlin kikhopna a delh tangtang uh leh e’n zong amau mah bangin i hanciam thei hi. Pasian delh tangtang nading ‘hun’ na neih kei leh a tawntunga a kizangtheilo ding nate a delh na hi ding hi

5. Revival Hungeelna tawh kisai: Hotkhiatna thu tawh kisai ka lim gen loh hangun, kha lamah dangtakna om cih a kitheih manin Topa tungah ki-ap dingin sapna kibawl hi. Tua bang ciangin mi pawl khat in thupukna bawlin kitheician nei pawl khat om hi. Mi a phazah ka theih loh hangin tampi mahmah in khut zakin Topa tungah kipiakna nei uh hi. Tua tawh kitonin pawl khat zong ki-apthakna nei uh hi. Jesu nung ken zui ning a cite sapna in hih la kisa a, kikhawm teng cih theih phialin Topa kong zui ding cih pulakna in ding uh hi:

Hingun zuivaai, i Mang Jesu suulnua

Apeina tan ah a suulnua zui va ui

Zui vaai, zui vaai, Jesu nua ke’n zui vaang

Ama’n hing puina tan ah ke’n zui peh vaang

Cidam lo a hong kikhawm mi pawl khat in zong cidamna ngah uh hi. Topa thu in tawntung a si i kha nuntak tawntungna hong piak theih leh i leitung pumpi zong damsak zo mahmah cih kimu hi. Khangno chairman sem Tg. Nelson Thang Khan Lal zong a lum cip kim lai Pasian min tawh hih program adingin thokhia in la makai in hong pang a, Topa damsak ahih lam ama kam mahmah tawh kipulak hi.

6. Khris hangin supnate zong metna: A tawp nitak in chairman Pa Swan Za Lian inn ah Pastor Jangkholun makaihna in hun kizang a, tua laiah tutung hunzatte ah phattuamna tomcikcik genna hun kizang hi. ZCF nungak khat in Qatar Airline ah air hostess sem dingin vai a sai thu leh exam na, kam tawh dawnnate ah zong cing khinzo ahihna gen hi. Ahih hangin a cidamna ah themkhat kisam citciat hi. A siavuanpa in, “A cidam na lawm nu X-ray la ni, tua pen nang min in report kong gelhsak ding hi. Banghang hiam cih leh hih nasep na taan ding pammaih lua hi” ci hi. Ahih hangin hih nungaknu in Pasian zahtakna hangin, “Zuau tawh hih nasepna ka ngah sangin ngahloin omzaw ning,” cih khentat a, tua nasepna (thudik a deih man bekbekin) taan ngam hi. Leitung mite muhna ah haihuai tawh a kibat hangin Topa zahtakna tawh thudik a teelzawk manin a lungdamna leh a lungkimna thu hong pulak hi.

7. Thugente tomlakna: Tutungin thugenna hunpi nga vei ka zang hi. Thugenna tomlak hih a nuaiah kong koih hi. Topa thu leh la ah i khantohna, i kalsuanna ahih ding deihna hi.

Date: 28th October 2011

Hun Khatna : 2:00 – 4:00 P.M.

Thulu: Pressing On

Text: Philippians 3:12-14. Mun thum lam manawh in mainawt ding hi. Tua thumte ahih leh:

(a) Backward : Forget the Past (Nunglam Mangngilhna lamah)

(b) Forward : Move forward (Mailamah)

(c) Upward : Upward relationship (Tunglamah)

Hun Nihna : 5:00 – 7:00 P.M.

Thulu: Jesu a Nawkkha Bek Maw, A Nei?

Text: Luke 8:41-56

(a) Haksat thuakna hangin Pasian kiangah tung hi (Aneu 41-42)

(b) A lawng mawkmawk leh upna tawh a lawng (Aneu 42-44)

(c) A um mi in damna ngah hi (Aneu 44-46)

(d) A dampih mite kipulak uh hi (Aneu 47)

(e) A kipulak mite’n thupha ngah uh hi (Aneu 48)

(f) Ahitheilo ding upna in hitheisak hi (Aneu 49-56)

Date: 29th October 2011

Hun Khatna: 2:00 – 4:00 P.M.

Thulu: Pasian in Lametna Hong Nei Hi

Text: Luka 13: 6-9

(a) Theikung kisuan (Aneu 6)

(b) Theikung gahlo (Aneu 6)

(c) Theikung etkhiat (Aneu 7-8)

(d) Thukhenna thuak ding (Aneu 9)

Hun Nihna: 4:00 - 6:30 P.M.

Thulu: Mailam Nawtin Tai Ni

Text: I Kor 9:24-29

(a) Aman tupna, ngimna nei (Determination) (Aneu 24)

(b) Amah kikem, ki-uk hi (Discipline) (Aneu 25)

(c) Aman paina lam nei (Direction) (Aneu 26)

(d) Ama deihna nial (Denial) (Aneu 27)

Date: 30th October 2011

Hun: 1:30 - 3:45 P.M.

Thulu: Mainawt Ni

Text: Phil 3:1-21

(a) Pumpi Si leh Sa muantak lo (No confidence in the flesh) (Aneu1-3)

(b) Gamtatna saantak om lo (No conduct good enough) (Aneu 4-7)

(c) Kris lo deihzawk ding om lo (No choice better than Christ) (Aneu 8-10)

(d) Cihtakna, thudikna (Honesty) (Aneu 11-12)

(e) Hahkatna, Kuhkalna (Hardwork) (Aneu 13-14)

(f) Gamtat sangzaw, Siangzaw (Holy standard) (Aneu 15-16)

(g) Sangzaw ngiimna (Higher focus) (Aneu 17-21)

Thukhupna

Elim Resource Center adingin sum leh pai tawh hong mapang mi bangzah hiam om hi. Pawlkhat in zong thungetna tawh ka hih theih bangbangun kong pang ding uh hi, hong ci uh ahih manin tha ngah mahmah in inn lam ka zuan hi. Topa min tawh hun hoih dang ngahkik ding lamen in thungen ni ci-a kikhen theih pen manpha kasa hi. Topa min tawh i tunna mun ciat panin mainawt thei dingin Ama Kha Siangtho makaihna eite tungah hong tung semsem hen. Mimal nek leh tak lamah hong deihsakte hangin lungdamna lian mahmah hi. Minthanna, pahtawina leh kipahna Topa tungah ka pia hi.

Download in PDF Here

News, Reports

HOSANNA!  HOSANNA (Mathai 21:1-11; Mark 11:1-9)

“ En un, na Kumpipa thunuailut takin Sabengtungnou tung ngei ah tuang in na kiang  ah ahong dek chi in, Zion tanu hilh in achih…. “ (Zachariah 9:9; Isaih62:11)

I khelhnate ziak a sii a, siam I tan theihna ding a gualzou a thoukik Jesu Christ min in chibai kung buk hi. I topa Jesu Christ in leitung a kum 30 val hinkhua a zaknung a ahun nunung ( Kaal nunung –last week) hi bang in ana zang hi.

KIGINNI: Mari thau nilhna (Johan 12:1-11), Bethani khua a nitak ann kuang luina.

NIPINI(Palm Sunday) :Jerusalem a gualjou a alutna (Mark 11:1-11), Jerusalem a kah khumna (Johan 12:12).

THOHTANNI:Temple suksiangna leh theikung hamsiatna (Mathai 21:12-22)

THOHLEHNI:Pharisaite toh kimai tuohna- Sahkhuo heute’n Jesu thuneihna a challenge (Lk.20:1-8), Gentehna thute-Tapa nih thu, lengpigui, kitenna annkuang luina, kaisar silte Kaisar kiang ah. Dokna tuamtuamte –thohkik thu, thupiak lianpen leh mualtung thungenna, Juda matsak tupna.

NILAINI : Day of silence! Or Bethani khua ah om.

NINGANI: Paikaan Annkuang kisak kholhna (Mk.14-12-16), Inndan tungnung a Annkuang nunung (Jn.12:14; Mt. 26:20-36), Getsmani huan a thumna (Jn. 15-16), Siampulian thumna (Jn. 17), Cross masang a sil lamdang abawl (Lk 22:50-51)

ZILTOPNI(Good Friday) :Thu tuomtuom dokna, siamlou tansakna, ki theihmoh bawlhna, thuakgimna, Juda sihna, Pilat thutanna, Kross a khailupna, temple puanzaak kikek zakna, Haanthak a vuina (Jn. 19:31-42.)

KIGINNI; Haankhuk a pan misii khua ah (1Peter 3:19-201)

NIPINI (Easter Sunday): Jesu misii lak apan athoh kiikna (Resurrection)(Luke 24:1-9)

Hosana! Hosanna..! Hibang a I Topa Jesu Christ gualzou a thupitaka Jerusalem alutni in, mipi paikhawm ateek-akhang, alian-aneu in ‘Hosanna’ chi in a kikou vengvung ua, a thawm uleh a husa uh thupi seng ahih man in athomgin zakhate patausak jou uhi. ‘Hosanna; chih thumal pen Hebrew ham Greek laimai a kigelh a hia , thumal nih kigawm khom, ‘Thumna’ leh ‘Phatna’ (Prayer+ Praise) Ngetna-huhna, panpih ngetna toh kisai; a nauzaw leh inuai lam a mite kiang hilou in, itung amite kiang a zahtakna toh ngetna kammal ahi. Thukhunlui(Old Testament) ah (Psalm 118:25) khatvei akimu a, thukhumthak ah 6 vei aki mu thei hi.

Hosanna: ‘Hong hondam in Toupa’ (Save us O Lord).

Puan (Garment): Mathai 21:8 Kumpi ahi chih kitheihna (sign of a king), Thukhunlui hunlai apat ana zak uh, Kumpi Jehu tung ah akimu hi. (II Kings 9:13).

Sawlnah/Sawlbawk: Kumpi khak-leh-suan (Royal family) ahina uh vaidawn na (welcome) ahi.

Tumnah/Tumsing(Palm): Tumsing Bible ah sing chituam tuam 28 val kigente lak ah akigen tampen leh poimoh pen ahi. Singchi lak a damsotpen leh asihnung a jong sotpi zakthei pen sing manpha khat ana hi a, muathak mahmah sing chikhat ahi.

Pasien min lo a, Hosanna akichih chiangin, pahtawi kawm a ‘Topa hong hondam in, Hotdam ngai kahi uh- chih a kahna awsuah ahi. Himi ni in mitampi’n “Hosanna” chih thumal jang in phatna leh pahtawina Topa apia uhi.

Eiten jong Pasian phatkawm in, I koltaana(slave) tuamtuam apan’ Hong hondam in, hotkhiak ngai kahi uh’ chia I lungtang tawng dong a I kikou khiat hunta hi. A lamdang mahmah pen, I Topa’n athupi ni a gualzou a Jerusalem lutna ding a silzak thupi leh zat taak ganhing thupi leh hat, minthang hijah lai a sabengtung nou, laknai louh hi se lai ichih chiang in a lamdang se hi. Sabengtung kichi, sate laka a zong melhoih leh fel, piandan a zong kilawmna mong mong nei votlou, amel leh piandan a zong ngaihbanna, ngaihhuaina leh aamhuaina mong mong omlou, topa Jesu in atuanna ding a atel sese, hampha kasa hi. Sa hoih pilvang leh kilawm tuanna ding a telkhiat ding hileh, ganhing dangte tung a thunei leh gual tungtuang deuh mel a etlawm, gualzohna vanzak ding, Sakol, Saai leh etlawm mahmah Sazuk chihte vel teltuak hina pi’n, hilehjong I Topa Jesu siltelte lamdang mawk sa ing! Saipitung e, Sakoltung e khat ah tuang vialvual leh kilawm ding hina pi’n, melsia, ngaih baaglou leh simmoh huai (Delhi khopi-Munirka veng kawmkal lak a sehnel leh vanpuoh a zakte uh) Sabengtung nou a tuanna ding a ateel, tuo tung atuang kawm in Jerusalem khopi ah gualzou in alut hi. I Topa Jesu silteel dante lamdang mawk e maw!. Saipi leh Sakol kaang te tung ah tuang leh kilawm sam in chia maw chi in ka lungsim in kachi a, hilehjong, Pasien siltelte –silmothuaite, silhatloute, silniamte leh simmohhuaite leh sil omloute tan in ateel hi (1Korinth 1:26-30).

Sabiltung pen zahtakhuaina ding leh deihna ding mong mong om keileh jong, Jesu atung a atuan ziak in atotna ding leh apaina ding mun teng ah, mipite’n puan hoih taktakte uh phah in khenkhat te’n singnah (sawl) kilawm mahmah te a naphah uhi. Hih Sabengtungnou apan I Topa Jesu’ vanzakte ingaihtuah leh, silthupi, silkilawm leh manpha, apil leh asiam penpen te ana hituam kei chih ahong thei sak hi. Sil thulimlou, simmoh huai, muhsithuai bangmalou te (mihingte’n bangpi a asimlouh zak nading bei a akoihte nasan) Topa’n ana tel in, vanzak manpha, a iitna leh athupina tak langtu, a Kross tawisangtu ding in ana zang zaw ahih dan aki chian mahmah mai hi.

Unaute, eimah iki etchiangin, bangmah a zaktaklouh, pillou, siamlou, fellou leh damtheilou ch’n imanphatna leh phattuamna ding om a I kitheih louh ban ah, I mihinpihte muh leh etdan a jong hoihna leh chitna mongmong neilou jong ihi khamai thei hi. Sabengtung nou bang in hoihna kilawmna leh deihhuaina eimah ah omkei nanleh, I Topa Jesu tuan theina ding a ikiphal nak leh bangmah loute iit leh zongpa Jesu ei kung ah ahong tung ding a mi hampha isuak ding a, Jesu jiak in mite pahtawi leh muhnuam pen isuak ding uhi.

“Aman a Sabengtung grepgui ah a khih ding a, a Sabengtungnou grep hoihpen ah akhih ding a, apuansilhte greptui in asawp ding a, a kumpi puante grep sisan in a sawp siang ding hi.” Genesis 49:11)

News, Reports Articles

ZOMI CHRISTIAN FELLOWSHIP INDIA NOMINATION COMMITEE

The Committee appointed by the General Body of the Zomi Christian Fellowship India, for nominating members of the Coordination Committee of ZCF India, met on the 1st may, 2009 at 5:30 P.M. in the Chapel Hall of the ZCF Guwahati, Mission Compound and discussed the nomination of members for the coordinating Committee of Zomi Christian Fellowship India.

The following members were present:

Dr.S.Neng Ngaih Lian-ZCF(Guwahati)
Mr. Kaplianlal Thangluai-ZCF(Guwahati)
Mr.M.Khaibiaklun-ZCF(Pune)
Mr. Mang Lian Thang-ZCF(Vikaspuri)
Mr. G. Swan Za Lian-ZCF(Delhi)
Mr. Chinsuan Guite-ZCF(Guwahati)-Special Invitee

The nominating committee asked Dr.S.Neng Ngaih Lian to Chair the meeting and Mr. G. Swan Za Lian was requested to record the proceedings of the meeting.

After much deliberations and consultations with the various Units of ZCF in India(over phone etc.), the committee decided to nominate the following members of the various units to the Coordinating Committtee of the Zomi Christian Fellowship India:

Bangalore : a. Mr. Lianthansiam Valte
b. Mr. Haominthang Zou

Chennai : a. Mr.K.C.Thang
b. Mr. P.Thangsuanlal

Delhi : a. Mr. Haulienkap
b. Mr.G. Swan Za Lian

Guwahati : a. Dr.S.Neng Ngaih Lian
b. Mr. Kaplianlal Thangluai

Kolkata : a. Mr. Gin Khan Chin
b. Mr. Lian Naulak

Mumbai : a. Mr.Nengzamang Tonsing
b. Mr.Ginminthang Shoute

Pune : a. Mr. John Seldou
b. Mr.E.Suanlian

Vikaspuri(Delhi) : a. Mr. Mang Lian Thang
b. Mr.Lucas Lian Za Mung

c. The Committee also decide to nominate the following pastors/chaplains as Ex-Officio members of the coordinating committee:

Dr.(Rev) J.M.Ngul Khan Pau (Guwahati)
Rev. G.K.Samte(Delhi)
Rev.V.Pumkam(Guwahati)
Evan.T.K.Lian(Viksapuri)
Evan.Tongminthang Haokip(Pune)

The meeting was closed with prayer by Dr.S.Neng Ngaih Lian

Sd/-
(Dr.S.Neng Ngaih Lian)
Chairman
Sd/-
G. Swan Za Lian)
Recording Secretary

Reports ZCF, zcf india, Zomi, Zomi Christian Fellowship

Silver Jubilee Brief Reports

Zomi Chirstian Fellowship, Delhi, kum 25 a cinna 27th February 2007 in Free Church, Parliament Street, New Delhi ah thupitakin lawpna neih a hi. Hih Silver Jubilee lawpna programme zingsang lam 10:30 in kipan a nitak 5:00 p.m. in programme ki zo hi. Evan T.K. Lian leh Mrs. Grace Neihsial ten programme makai hihna siamtak leh nuamtak in ong laksak uhi.

“To God be the Glory” (Psalms 29:2) thupi a zang in Pasian kiangah kipahna tawh hih hun nuamtak in zang ahi hi. Praise and Worship team te makaihna in mipi paikhawmten Pasian Phatna nuamtak in neih ziah ziah khit ciangin, Rev.G.K. Joshua, Pastor, ZCF in Jubilee honna thumna nei in, Makai masa te, Advisor , Pastor tuam tuam te leh tulel a fellowship tuam tuam makai 25 ten Jubilee dak 25 vei khetna leh meivak 25 vakna nei in hun pat ahi. Tua khitin Jubilee slogan Upa N. Thang za Khen makaih na tawh Pasian thupha ngetna leh Jubilee tungtawn a suahtakna lakna hun mipi in kiko zuazua in awng ziah ziah uh hi. Hih Jubilee tungtawn ah suahtakna leh nopna, kithutuahna leh damna te ong omna ding in mipi te Pasian minin thupha ki pe ziah ziah hi.

Vaidawnna leh ZCF, Delhi, hong kiphuh khiat zia leh Pasian in ZCF a makaih zia ZCF Chairman, Mr. G. Swan Za Lian in genna nei hi. Aman a gena a, Pasian makaihna kia bek tawh kum 25 mel kimu thei ahihmanin, Pasian thupi na teng teng I Pia hi, ci hi. A gen toh zelna ah , hih fellowship tungtawn in mi 8 full-time a ding kipia uh a, tulel in missionary mi 5 ki vak hi ci hi. Member 400 val pha in, Pasian hehpihna tawh hih Fellowship in mailam nawt to zel ahihmanin, Pasian a muanhuai dan gen pi in nei hi. Hih Fellowship a pat in Fellowship dang dang 7/8 inn tuan khia in, tu in Mother Church suakta hi. ZCF in Zo Pau tuam tuam a Pasian bia in phat ahihmanin, Fellowship dang te tawh a kibat lohna khat ahi hi zong ci hi.

ZCF, Delhi, a kiphutkhiat nung a kipan hih ni tan a ana phamsa te phawk gige Mr. Khakhai Zou, Vice Chairman makaihna tawh neih ahi. Makai/member a na phamsa te Pu.N. Gouzagin,Ex-MP, Pu Thangkhanpau Guite(Advisor),Dr. Hempao Lhungdim(Chairman) Rev. Khup Za Go(Pastor), Mrs. Mary Simte Bajaj(Executive Member), Tg. Kaizalian(Member), Tg.Thangkhanlian(Member), Tg. Kap Do Nang te ahi uhi. Amaute itna leh phawk tawntungna in minute khat daidide in mipi in hun zang hi.

Delhi a Church/Fellowship tuam tuam om te, EBC, EOC, NTBC, Gangte Christian Fellowship, Kuki Worship Service, Vaiphei Christian Fellowship, Hmar Christian Fellowship, Manipur Christian Fellowship, Church of Christ etc in hih jubilee a uap banuah amau lapawl hoihtak tak tak hong sa in, Jubilee nuam sak mah mah uhi. Tua banah ZCF Calcutta, ZCF Guwahati a pat in hih Jubilee lawpna ong uap thei uh hi. Lapawl ngaih nop mah mah ZCF Choir, Hmar Christian Fellowship, Vikaspuri Prayer Cell, Evangelical Baptist Convention Church, Vaiphei Christian Fellowship, Kuki Worship Service, Manipur Christian Fellowship ten Pasian phatna in siam tak in sa chiat banah, la siam tak tak Lia-le-Tang, Lianpi, Chochong, Seasonal Winds, David & Thianching, Care and Concern Ministry, The Jewels, Ms. Florence leh a dang dang ten zong Pasian phatna la ngaih tak tak sa uh hi. Tua kia hilo in Recitation Tg. Go Sawm leh Lia Liannu a pat in ngaih khiat in om hi. Lia Liannu Psalm 119 pumpi gen a hihmanin, Zo Khuak computer nei na hihmanin, Pasian in thupha tampi ong pia sem sem hen ciin Upa Thang Za Khen kiko khe zua zua hi. Lia leh Tang ten Jubilee a ding a la phuah giat uh sa in lam tawh hong lak uhi. Hih Jubilee a ding in la thak thum kiphuak a, Rev. G.K. Joshua in a phuah “Halleluiah” cih ZCF Choir in sa uhi. A dang la kiphuak te pen, Vikaspuri Zomi Prayer Cell leh Lia leh Tang te sak ahi hi.

ZCF, Delhi, in Missionary tulel in nga support a, tua te lakah ah 3 a kihel uh a, amauten zong Mission Field Report na nei uh hi. Pastor K.C. Thomas in Punjab Nission Field Report pia a, Evan Totong in Delhi Mission Field Report piakna nei hi. Pasian gama ding a a sepna thu uh, zak ciangin, mipi ong tha thosak mah mah hi. Mission Board in Missionary love-gift Rs.1000/- ciat piakkhiatna zong nei uh hi.

Hih hun in, Pu V. Dongzathang, IRS (Retd.), Founder Chairman in thugen na nei hi. Tua banah, Rev. Patrick Motilal, Pastor, Free Church, Pu K. Kipgen, IAS(Rtd.), Rev. Raja Singh, IEM, Dr H.T. Sangliana, M.P. (Lok Sabha) leh a dang dang ten zong thugenna neih ban uah Jubilee Greetings mun tuam tuam a pat in tampi muh in om hi.

Silver Jubilee Souvenir Board in Souvenir “Rock of Ages” cih honna Pu Dongzathang, IRS (Retd.), Founder Chairman, in nei hi. Tua Souvenir sungah thu hoih tampi kigelh ahihmanin, a lei kha khempeuh in manpha sa uhi. Tua banah, ZCF makai a ana pang kha sa te leh ulian zantakhuai tak tak a uap te Mementos piakna zong neih ahi hi.

Hih Silver Jubilee ni in, ana phamsa “Rev. Khup Za Go one time Memorial Award on Outstanding Christian Leadrship and Service” piakna zong nei ahi hi. Hih award pen Rev. Dino L. Touthang, Executive Director, EFICOR & Chairman Unau Joint Christian Fellowship, Delhi kiangah Rev. G.K. Joshua in piak khiatna nei hi. Tua hun sung in Mrs. Khup Za Go leh a tate zong ong ding khia in mipi mai ah ong om ciangun, mipi paikhawmte nakngekna sak in, mit san liap luap in tampi om uhi. Hih Award kipe pen Citation, Memento leh Rs.5000/- ahi hi.

Khalam annkuang luina Rev. (Dr.) J.M. Paupu, General Secretary, CBCNEI, in nei a, Jeremiah 29:4-14 pansanin Delhi a Zomite Pasian in hong koihna hang pen ginglote lakah Pasian zong a ama deih dan a khosa ding in, ih omna khotang te ettawn tak hi a Pasian thutak hinkhiat pih ding ahi ci in mipi te hanthawtna nei hi. Mipi paikhawmte tou mah mah ahihmanin, Pasian deihbanga om ding hanciamna tawh lungsim bawl in mipi ten sang mah mah uhi.

Lungdam thu puakna Pa Haulienkap, Jt. Secretary in siamtak in ong gen hi. Hih Jubilee a ding tawh kisai a, thu leh la, thumna, sum leh pai hiin deihsak na ong khak teng teng kiangah lungdamthu genseng loh a puak banah, Pasian thupi na a pia hi.

Hun khakna dingin mipi in”Topa Hoih hi, Topa Lian HI” cih sa zua zua in hun sa lo takin Jubilee khakna thuma Rev. Khamkhanchin, Pastor,EBC in nei hi. Tua khit in angkuang luina nei in nuamtak in Zomi Christian Fellowship, Delhi, Silver Jubilee lawpna zou ahi hi. Jubilee lawp sung a ong pai Zo suante leh a dang dang te mi 1000 bang hiding a tuat ahi hi. Hih sung mah a ut dan dan a dawn theih ding in Coffee/Tea/Soup sung nitum in Hindustan Lever a pat in kimu hi. Jubilee programme video coverage hoihtak in kibawl in hawm khiat theihpah ding lam et ahi hi.

Topa’n thupi na, pahtawina teng teng tang ta hen Amen!!

Reports ZCF, Zomi, zomi christian