I Kisap Lian Pen
photo credit: John M. Dean“Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi”
Pasian mizatte nuntakna isimsim chiang in Thuciamlui sung hi in thuciamthak sung hitaleh, Pasian toh akikhawl den mite ahi pelmoh uhi. Enok Pasian toh omkhawm, Moses Pasian toh kikhawl den, Abraaham in khopi buai vengvung sunga a ten sang in singtang dawn a Pasian toh kikhawl ding nuam na sa zaw hi. Kumpi David in nakhat bekmah Topa kiang na ngen a,tuana pen Pasian toh aki khawlh theih den ding thu mah ahi hi (Late 27:4).
Jocob in jan khovak in Topa koiden in khovak ciang dong tan in zong khah nuamlou hi. Josef Topa toh om den hi. Pasian kamsang thupi Danial in antangin nikhat in thumvei Thungetna toh Pasian kikhawl pih hi. Tuiphum Johan zong Jordan luipang ah Pasian toh kikhawl in Pasian na sem hi.
Jesu in Sun hun in sehnelgam daihna mun zuan in tua ah Pa Pasian toh kikhawlhna nei hi. Zan chiangin Olivet mual ah zaankhovak vak ina thungen in apa toh kikhawl den hi. Kikhawlkhawmna pen kiit kingaih tuahna in apiangsak thu ahi hi. Emmaus lampi jui a pai Kleupa te lawmta in Jesuh amau inn ua taam ding in khou uh hi.
Jesuh toh kikhawlhna a khanna: “Kei tawh hong kizom paisuak le uh cin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theihloh mah bangin note zong kei tawh na kizop kei uh leh gah na gah thei kei ding uh hi” (Johan 15:4)
“Kei tawh na hong kizop uh a, note sungah ka thu a om nak leh na deih peuhpeuh uh hong ngen le uh cin hong kipia ding hi” (Johan 15:7)
Mangte’n”Quiet Time“ a cih uh i gen nuam hi. Leitungvai leh ngaihsut na khat peuhpeuh pan ki su awng thawl a eimah kia leh Pasian bek mah toh hun ingah theih zah zah kikhawlh khawmna hun man ding cihna hi.Hih hun imanna sung ah lungsim tawng ah leh lungsim takpi mah toh amah phat in bia in a Laisiangthou thute sim a lung ngai ngai kawm in i Pasian aw ngai in i bil dawh ding hi. Thungetna toh amah zahtakna leh kiniam khiak natoh i tunga ahoihnate hanga ama tunga lungdamthute puak in, ivaite amah toh houlim khawm in i om ding hi.Hihmah ahi i Topa in Martha kianga agen “thu um mite taksap lian pen” Mary in tuana sem ahih man in akikhawl sak ding adeih louh nathu. Pasian toh kikholhna natopsan hun hun a pat na kha lam nun takna zongkhal in keu gawpa panna bei, amawknapi asuak hi(Johan 15:6)
Tuamah ahiKhasiangthouin Pawlpi mite kianga athugen “Ahi zongin note ka hong mawhsakna khat om a, tua in: A masa lai-a kei na hong it bangun tu-in na hong it nawn kei uh hi. Tua ahih manin na lampialna uh phawkin, na mawhna uh panin kihei un la, na gamtat ngeisa bangun gamta kik un” (Meng.2:4,5).
Adam koilai ah om na ta hiam?
Recent Comments