ZOMI CHRISTIAN FELLOWSHIP, DELHI

photo credit: Tiago • Ribeiro

1.Numei khat hileng ka pasal tung ah kalungsim leh kapumpi avek in kapia ding hi.
2.Numei khat hileng kapasal kazahtak dinga,zahtakna toh kahoupih ding hi.
3.Numei khat hileng kapasal ukna nuai ah kanungta ding hi
4.Numeikhat hileng kapasal kagensia ngeikei ding hi.
5.Numei khat hi leng ka pasal nu leh pa akipan amel theih khempeuh ka it pih ding hi.
6.Numei khaat hi leng hehna khat kaneih teh ka nuhleh pa inn ah kaciah pahpah kei ding hi.
7.Numei khat hi leng ka innkuan sung thu midang te kiang ka gen pahpah kei ding hi.
8.Numei khat hi leng ka pasal hawmthawh ka sawm den sanga thanemnate ah ka laptoh zawh nang ka hanchiam ding hi.
9.Numei khat hi leng ka pasal phuisam, tomlawhin ka om pahpah sang thupha pia in thungetsak ka hanciam zaw ding hi.
10.Numei khat hi leng ka pasal nasepte ah zumpih lo zaw in ka thupi ngaihsutpih zaw ding hi.
11.Numei khat hi leng ka pasal lungkiat loh na’ng in ka pum pi ka hahsiang ding a,a kilawm bangin ka kizemding hi.
12.Numei khat hi leng ahih theih laiteng ka pasal tawh ka omkhawm dinga, a pha a sia thuakpih ding ka hanciam ding hi.
13.Numei khat hi leng ka pasal beh leh phung pen kei a hi cih ngaihsunin a khantoh theih na’ng in ka hanciam ding.
14. Numei khat hi leng ka pasal hangin ka kiphatsak khak loh na’ng ka kidawm pha mahmah ding hi.
15.Numei khat hi leng ka pasal sangin thuneih zawk ding ka hanciam kei ding hi.
16.Numei khat hi leng ka pasal a khualzinna pan hong vai tun phetin thusia tawh ka vaidawn pahpah kei ding hi.
17.Numei khat hi leng ka pasal a sia lam peuhpeuh ka han thawn ngei kei ding hi.
18. Numei khat hi leng ka pasal omloh kalin khuaval zulhtat na te ka bawl kei ding hi.
19.Numei khat hi leng ka pasal lungkiatna a neih ciang in tha pia in thu ka ngetsak den ding hi.
20.Numei khat hi leng mipi kikhopna khempeuhah a manlah pen, a kamtampen leh a kidawkpen ka hih khak loh na’ng kaki dawm ding hi.
21.Numei khat hileng kapasal thanemna mun leh akicinlahna munte ah ka panpih theih zah in ka panpih ding hi.

22. Numei khat hi leng ka pasal in mundang sangin ka inn uh nop a sakpen na’ng ka hanciam ding hi.
23. Numei khat hi leng ka pasal lup ma-in ka lum pahpah kei dinga, zing a thawh ma in ka
tho masa ding hi.
24. Numei khat hi leng ka pasal annek ma in an ka ne kei ding hi.
25. Numei khat hi leng khutsiam khat teitei’ ka sin ding a, innkuanpih te dingin ka zang
ding hi.
26. Numei khat hi leng ka pasal hong theihsiam na’ng thusim neih ka pelh ding a, ka thanemnate ka pulak zel ding hi.
27. Numei khat hi leng hun awng ka neih sung in khualak ka vak sangin innkuan a ding nasep
hoih khat ka sem zaw ding hi.
28. Numei khat hi leng na dang tampi ka hanciam sang in ka pasal a ding in zi hoih, ka tate a dingin nu hoih, ka teknu leh ka tekpa a dingin mo hoih ka suah na’ng ka lungtup lianpen ka hisak ding hi. (May Lungdamna aw pan a teikhiat ahi).

Pasian in thupha hing pechiat ta hen aw !

Articles Thu Tuamtuam, Zomi

Tukal sung in: Pastor in Noida Prayer Cell vehna vaneia, kikhopna nuamtah in vanei thei
uhi. God is good ! Pawl sawm Result phuankhiet ahia, ei sunga lawching tuni tana theikhah in Nh Hoibawi d/o Pa Khakhai Zou in First Division in lawchinna ahing nga na tung ah ikipapi thu iphuang uhi.
Tu kalkia sung in: Tv.Bobawi,Hydrebad ah BD (serampore afflt) jilding in kuan kheta ding.
Tv.Bejamin zong MDiv sindingin tukalsung ma in Bengalore zuan kia ta ding. All th best!

COLLECTION (31-05-2009)
Sunday Rs. 1290
Tithes Rs. 18000
Faith Promise Rs. 700

Thu Tuamtuam Pastors visit, Thu Tuamtuam