Hun Man Dih Lawchinna Suangphum
Hun man dih LAWCHINNA SUANGPHUM
Khovel a mi lawching ichite khu hun mangsiemte ana hi uhi. Mangpa Jesun “Sun lai ahi pet in keima ei sawlpa na i sep ngit nget ding ahi, jan lai hing hileh koiman na sem thei non ta sih va (John 9:4) achi hi.
Tualeh Jesu main “Nikhat in pungkal 12 a um hilou a mah? (Jon 11:9) a chi kia hi. Eite i buoi thei jel na pen uh khu hun i tawm nei jiah uh hizawlou in ihun neisun te uh i man siemlou jiah uh ahizaw hi. Khawvela mibuoipen pen te hun nga za eiten zong inga uhi.
America President pa in ni khat a hun a neiza eiten zong inei uhi. Jesun apa’n a sep dinga a thupieh teng sepna ding in nikhat a pungkal umza apan san hi. Hun kichi khu Pasian silthawnpieh ahi. Pasian in i damsunga isep dinga a guotte sep zaw sieng man ngei na dinga ahing pieh chitchiet ahi hi.
Hun awl/Hunlemtang: Hun awl ichi chiengin mawh um hun china hilou a khawl dam hun china zong hi tuom lou hi. Khawldam hun pen kimut hun akichi zaw hi.Tuajieh in hun awl mang siem ten apillaw ahau law ua aminthan law uhi. Tua bang ma in a hunawl mang siemlou ten a sietlaw amanlaw ua mindai law in in a shi law uhi. Koipou adinga kiguotsa hunte kimut hun, anneh hun, nasep hun,office kai hun, sangkai hun chi te getlou hun inei dang teng khu hun awl hunlemtang ahi hi. Tua khu ahi
Laisiangthou a Misiangthou Paul in “nite ahoi lou jiah in na hun lemtang nei sun te uh kiman siem ta un”(Eph. 5:16)a a chilawna !
China gama missionary thupi leh lawching David Livingstone in kumsawm aphah in Patkibawlna khawlpi ah nikhatin pung kal 14 sung na asema, a hun-awl teng in Latin, Horace leh Virgil haam a zil a,kum 16 aphah in asiem ta hi. Missionary a kuanding alunglut jiah ma in Lou leh Zaa lamzong ajila, Bible zong a zil hi.
Kum 27 aphah in a zou leuleu hi. Tuachi in adamsungna dinga Pasian in apieh ashi todonga sem ding in akuan kheta hi. A hinsann nasepna phattuomna ding a ahun lemtang neisun te uh mang dih te’n hinkhaw lawching hina ding suangphum aki khum ta uhi.
Recent Comments