By H. Kham Khan Suan

Biakna leh nampi lungsim a tonkhawm den hi a, Zomi Christian Fellowship, Delhi (ZCF, Delhi) zong hih sung pan hong pieng khia ahi hi. Biakna i gen ciangin a bia ding ‘mi’ kisam a, tua mite’n amau tungah a uk, thunei, leh a vanglian Pasien khatpeuh um in a san/pom kim ding uh thupi hi. Tua bang a piantheihna dingin mite sungah kituah-kilemna (kilunghualna), kipawltheihna leh kiukzawhna kisam hi. Biakna in mi kaikhawmin kihotheisak a, kilungtuaksakin kipumkhatna piengsak a, kiit, kilemna mengkhia sak hi. Khristiante sungah hih bang thuphate a om ding pelmawhin kingaihsun hi. Bang hang hiam cih leh Pa, Tapa leh Khasiengtho a kipumkhat bangin ei Thuummite zong kipumkhatin i om ding pen a thupi mahmah ahi hi. India ah zong ZCF kici kipawlna khopi lian tengah i nei thei ta a, lungdam huai hi. ZCF in Zomite sungah kiit, kilemna, kipumkhatna leh nampi lungsim hong piengsak takpi mah hiam cih pen i lungngaih kik ding thu lianpi khat hong suak hi.

ZCF Bang Hangin Ci Sese I Hi Hiam?

1980 pawl i gamlek hun zong hi a, mundang, gamdang ah a zinkhia zo i tam nai kei hi. Shillong, Allahabad, Delhi leh India khopi lian tuamtuam ah laisim, nasem, summetbawl tawmkhat i om thei ta a, giautau kisa in kipawlkhop ding i lunggulh tek hi. Zo ngeina, lai leh minam hihna (identity) a poimawh zia i phawk khiat san hun zong ahi hi. Hih bang a minam kipawlkhopna pen i theihsa bangin Kawlgam ah 1952 in Hakha, Falam leh Tedim biakna makaite’n Zomi Baptist Convention phuanin na pan khia zo uh hi. Zo minam sungah a tangzai zaw in Pasien na semin, biakna bangci hatsak ding cih lunggulhna pan ZBC hong piengkhia hi cih zong i phawk hi. India gamah zong hih bang ngaihsutna mah nei in ZCF i phuan khia hi. Delhi pan a kipankhia kipawlna pen a tungin Zomi Fellowship bek na kici hi. Kum 1988-89 pawlin Zomi Fellowship pan Zomi Christian Fellowship ciin a kilaih ahi hi. A tangthu tawm sut pak leng ZCF pen nam itna leh awlmawhna, kikholhkhopna/kipawlna kician lunggulhna leh Zomi hihna kepbit na dingin kiphuankhia hi cih i mu thei hi.

ZCF, Delhi hanciamna tawh Zo minam sung pau tuamtuam panin la khilkhawmin in ZCF labu i neithei hi. I paukam tuamtuam tawh lungkihualin biakna i nei thei a, manpha hi. Mun tuamtuam pan kipanin, pawltuamtuam ah a om kimlai Zo minamte sungah kimuh, kikholh, kithusan tuahtheihna hong piengsak a, sanggam-laizom i hihzia leh minam khat i hihzia hong phawksak semsem a lungdam huai hi. Khalam bek hilo in salamah zong kipumkhatna hong piengsak hi. I nasep theihna ding gam hong keksak a, i lungsim ngaihsutna hong tangzai sak hi. I pau leh lai, ngeina leh biakna hong kepbitsak in minam lungsim lianpi hong neisak hi. Zomi Christian International kici thukizakna a simkha te in limtak tel ding hi. Ahi zongin khopi tuamtuamah a om ZCF te’n kizopna i nei thei nai kei hi. Biakinn kician zong i nei zo nai kei hi.

I pawlcin tawh kituakin pawltuam ngaihsutna, a tuamin kitun, kihuaikhopna lungsim zong hong pieng hi. Sum leh pai zekna ah i sanggam lom sung (tribe) ading mah ngaihsutna hong khang a, gamkek in, kigawm in a kipumkhat semsem ding kimlai kikhentamin kiamlam i manawh hi. Pawlkhat ngaihsutna panin hih bang a kikhentamna in nampi lungsim a neitheilo minam khat i hihna hong langsak hi ci thei uh hi. Amau ngaihsutna panin hih bang thu hong om pen dahhuai in limtak a lungngaih phat huai thu ahi hi. India leh leitung kiuli ah biakna kipawlkhop ding, gamkek ding mah a kithupi gen laitakin Zo minamte sungah neucikcik kilemlohna leh kitelkhialna hangin pawltuam phuan in, a kitamkham gawp ding i bang hi. A kigawm thei lo minam hi lim ding i hiam cih hong ngaihsun sak hi.

Pawlkhat leuleu ngaihsutna panin hih bang a mengkhiatna, leh pawltuam phuatna hangin khantohna leh gamkekna, nasep tangzaisakna in ngaihsun thei leuleu uh hi. Hih bang a ngaihsun te’n paubing siksanin pawlsatna, a za huaplualo in kikhenna in pawlpi sungah khat leh khat kiit, kilemna leh kipawlkhawmna hatsakin, pawlpi mite limtakin van zo zaw hi ci uh hi.

A thulai gen le hang: pawlpi (biakna ahihke’h biakna hilo) vai khat peuhpeuh pen thupisakin tangzaitak in na i sepkhiat theih nadingin pawlmi khat leh khat kithei in, tha kipia thei ding hi. Ukpi leh ukneu a hunkhop mah kisam ding a, amaute limtak kiZomin thu kihual thei ding hi. Thutanna leh ngaihsutna/gelkholhna khatpeuh kician takin nei in, limtakin zong semkhia thei ding hi. Mipi lungsim, uk, deih leh lunggulh, haksatna leh thanemna limtak theisiem in a kihualin na a semkhia thei ding kipawlna kisam hi; mipi so a dom thei ding hi. Tua in pawlpi lawhcinna dingin milip leh pawltampi a kikhen poimawh masa pen lo hi cih hong mukhia sak hi. Kiukzia leh kipawlkhopzia tawm laihin limtak vaihawm khawm thei leng na lianpi leh thupi zaw tampi kisem thei ding hi cih hong phawksak hi. United Nations kici leitung kipawlna lianpen nakpitak a lawhcinna in vaihawm siemna leh tavuan limtak hawmsiemna pan hong kipan hi ci leng kikhial lo ding hi. Roman Catholic Biakna leitung kiuli tengah kizelin tangzai takin Rome pan Pope ukna nuoiah a omtheihna zong tuabang uksiemna/vaihawmsiemna pan hong kipan ahi hi. Nasep leh tavuan hawmsiem leng milip then za, then tul i val phial zongin kiukna hamsa tuan lo ding hi cih i mu thei hi. Mosi leh Joshua in Israel te Egypt gam saltanna pan honkhia in, gammang lakah kum 40 sung limtak a makaih theihna dingin Pasien in vaihawmsiem thusim a lak hi: Israel nam 12 sung panin makai ding telkhiasakin tuate tawnin limtak vai a hawmsak hi. Minampi lungsim ngaihsun sakin, kipawlkhawm sak a, a lunggulh tawntung uh ‘khuaizu leh bawngnawi luanna gam’ Kanaan gam lutpih hi (Paikhiatna leh Joshua Laibu limtak sim in).

A tomin gen pak le’ng: kipawl/kizopna in khat leh khat hong kitelsak semsem ding hi. A cingtak minam in minauta sungah a hoih leh a hoihlo, a thulim leh a thulimlo, a hat leh a hatlo te theisiem in lungkihualin na semsak thei ding hi. Si leh sa ah kinaite kaikhawmin ‘kipawlkhop lunggulhna’ (corporate will) pia ding hi. Minampi tawh kisai laigelh minthang mahmah Hans Kohn in hih bangin ‘kipawlkhop lunggulhna’ a om ciang bekin pau leh ham, ngeina leh khangthu, biakna leh nam kibangte tunkhawmin kaikhawm thei ding a, gam leh minampi bawl thei bek ding hi ci hi.

ZCF Babel Tausangpi Suaksak Lieng Ding I Hiam?

Thuciam Lui sungah tausang a tallang mahmah pen Babel tausangpi ahi hi. Noah hunlai Tuiciin tunkhit mite pilna, siemna leh thupina a langsak dinga kibawl hih tausangpi in tuhun tumlam gam nampi lungsim piankhiatna a sut/kan te’n gentehna in zang thei uh hi. Babel tausangpi pen thupi in a etlawm mahmah hangin a cim (collapse) dinga kilam na hi lel tak hi. A tau cip pen a pammaih pen na hi lo zaw a, a lipkhap huai zaw khat in: a cip ma in minampi leh paupi khat a nei Noah’ suante pen tausang a cip zawh ciangin nam tampi, pau tampi in hong kikhen uh a, kithutuah leh kipumkhat ding hong hamsa hi (Piancilna 11). Tua mah bangin ZCF hong piankhiatna a thupi pen, a tawpkhawk i tunna lim (symbol) hisak lieng ding i hiam cih zong i ngaihsun ding hi. Kei ngaihsutna panin ZCF pen Zo minampi ngaihsutna (national consciousness) a om lai teng mang lo ding a, hong kho semsem in hong manpha semsem zaw ding hi.

Biakna leh Nampi Lungsim

I biakna, ngeina leh hihna a tangzaizaw in i kep ut leh ZCF i phungvuh semsem ding hi. ZCF in Zo minampi bawlding tavuan lianpen in nei lo ding a, ahih hangin ZCF tawnin minam dangte’n Zo minamte pen ‘Pasien tel minam, minam hamphate hi’ cih hong muh ding uh thupi pen ding hi. Tua bang hong piantheihna dingin khat-leh-khat kiit in, kikem, kizunin, kipawlkhawm thei ding hi hang. India leh gam tuamtuam ah a om ZCF kipawlkhawmna te kanin, amaute tawh kizom in limtak thu kikumkhawmin i kalsuan ding hi. Sangamlom (tribe) pansanin biak kipawlna a neite tawh thu kisangtuah in, i pangkhawm ding hi. Mizawng, tagah, meigong, pagong leh khangham te i huh ding hi. A nangte huhin, thazawm (sa leh khalam) a kisate tha i pia ding hi.

I gamah Lungdamna Thupha hong tun cil lai in, a Thu bek hong lut lo hi cih zong i tel ding hi. Zomi Baptist Convention phuat ding a ki ngaihsut lai in Lokhawh Sang (Agriculture Institute), Zato (Hospital) leh Laisiengthou Sang (Bible College) tawh phuh ding na limbawl uh hi. Lungdamna Thupha in khalam thu bek tawh kisai lo a, pumpi cidamna, laipilna leh nek leh tak cihtheihna tawh zong kizom hi cih i mangngilh kei ding hi. Laphuah siem khat in ‘Jesuh pen samsiatna a kizelhna dong ah gupkhiatna a pia dingin hong pai hi’ na ci hi. Biakna in gupkhiatna i ngahna, Topa minthanna, itna leh hehpihna i phawkkhiatna ahih ding ahi hi. Khat leh khat kiZomin, i kilem theih nading, kipawlthei in, i kipumkhat theih nading (Johan 15) leh nampi lungsim i neih theih nading i Biakna in hong sinsak hi cih lungai kikkik ni. Zo minampi ading bek hilo in leitung bup mikhempeuh nampi khat hi in, Topa lenggah huanah a om lenggah hiangte hi hang a, i leggah kungpi pen Jesuh hi cih i tel semsem ding hi. Jesuh sungah pumkhat a suak ding hi hang cih i phawk den ding hi.

Laigielpa’n tulaitak in Department of Political Science, Banaras Hindu University, Varanasi ah Lecturer sem hi. Tuoleh ZCF, Delhi ah 2001-2004 sung Youth Department Secretary na sem ngei hi.

News ZCF, Zomi, Zomi Christian Fellowship

By Thang Sian Mang

Zomite pen Pasian in hong lamto a, sim leh mal (Kawlgam Vaigam) apan leitung gam mun tuamtuam ah ih teeng khia uhi. Pasian sehsa hiding hiven, cikmah a zong mangmat phaklohna gam (Pakistan) zuan in ko zong ka nupa un kum 2000 May 5 ni-in Delhi pan vanleng tawh ka lengkhia uh a, tua ni zan nai 9 pawlin a khopi uh Islamabad ka tung uhi. Delhi pan vanleng tawh Lahore kitawn a, nai thum sungin Islamabad kitung hi. Mawtaw/meileeng tawh ni khat sungin kitung suak zo hi.

Pakistan cih a khiatna in ‘Holy Land’ (Pak=Holy) ahi hi. Muslim gam ahih manin voksa nek ding genloh a vok mahmah zong kimu mengmeng lo hi. Suai (gold) sangin muh hamsa zaw ci leng kikhial lo kha ding hi. Gam lian lua hilo a, India gam sehli suah sehkhat (1/4) khawng bek pha lel hi. Muslim biakna a zui 97% hi a, Hindu biakna a zui (Sikh leh adgdg tawh kigawm) 1.6% pha in, Christian biakna a zui 1.4% bek pha hi. Urdu leh Punjabi paute kizang phadiak hi. Tua lo-in Sindhi, Baluchi leh Bravi kampaute zong kizang hi. A sum uh Rupee mah kici a, ei sum 100 pen amau a 120/125 tawh kikim hi. Mite lawpluatna mun leh teel masakna mun hi khollo hi. A tangpi in gal gam khat in kiciamteh a, galkap bang hileh J&K ahihke’h North-East (adiak in Manipur/Nagaland/Assam) posting tawh kibang kha ding hi. Sente tawh a kitanauna uh a hoih man leh ih mel-leh-puam kibatna hang mah tawh hong ngaina tuam bilbel uhi. Ahih hangin, ko om hun sung pen India gam tawh kizopna a huaisiat hunlaitak ahih manin ko zum nasemte a ding in nuam lo laklak ah zong nuam lo kholdiak hi. “An eye for an eye” hiam “Tit for Tat” cih bang pian in, khat lamah zum nasem khat kiman hiam ahih keileh kinotkhia hiam om peuh leh, a lang lam te’n zong tua bang mah a kithuk suk pah, kua mawh a kua dik hiam cih kikan nawn tuan lo, a kamsia penpen in thuak kha hiziau lel hi.

India in Pakistan gam ah mission khat ‘High Commission of India’ kici Islamabad khua ah kinei hi. Zum nasem api-atal gawmkhop 110 pha ding a kiseh hinapi in nohkhiatna (PNG/persona non grata) ahih keileh sapkhiatna (recall) cihte hangin kikim sipsip ngeilo hi. A ‘khulang-khang’ in cileng, ka tun kum uh 2000 August kha-in vuak-le-sat thuak man lo in khat hong kinotkhia pah hi. Kha nih zawh ciangin mi khat vuak thuak khin sa-in kinotkhia leuleu hi. Banah, gen tham meello lah ninhuai/huathuai mahmah pawl khat bel – sun hun gentakloh zan kim lai peuh in ‘blank call’ kingah thei zel hi. Kelkong kan peuh leng kua pusuak kua sungtum cih encik ding mi om uh a, i vakna khempeuh ‘bazar’ kaina natawm ah ong sul zuihzuih tazen uhi. Tua bangin kum 2001 mel kimu a, sep ding bangbang sem le bawl a ka om liailiai laitak un 9/11 (September sawm-le-khat) ni a America a ‘World Trade Center’ ki ‘bomb’ na hang tawh patauhna hong kipan pianpian hi. Tua kum December 13 ni-a ‘Indian Parliament’ kiluh thu leh kum 1999 December kha a Indian Airlines vanleng ki ‘hijack’ thu hang tawh “liamna ma ah ci kitaat” tawh kibang in, tua ‘meima’ dam nailo pen hong nasia gawp ding bang hi. Ani ni-in thu thakthak piang a, kitanauna zong huaisia kholdiak hi. America in Afghanistan sim(attack) ding in hong kithawi a, India kumpi in Pakistan kap suk mai ding geel uh cih khawng tawh kisa vengvung hi. US President George Bush in Pakistante huhna deih ahih manin, “Lawm ut maw, gal ut?” a cih ciangin a President pa un, “Sikha, nang lamah ka pang” cih bang pian in, ‘Talibante’ (tua hunlai a ‘Al Qaeda’ tawh kizom a Afghanistan a ukte) langpan in Americate panpih ding a khensat hi. Cik ciang nawnkhiat in a ki-om tam aw?! ci-in kiging sa in ka om gige uhi. Suitcase ah van guansa in kikoih a, vanleng bang zong kithawi manta hinapi’n a sawtlo in kinawnkhiat ding vai hong theng bilbel hi. Kum 2002 January kha in i kumpite’n a lungkim loh uh lahna in Gam Palaipipa (High Commissioner) sam khia uhi (cikmah in hibang om ngei nailo kici hi). Gam kikawm tuahna vanleng, meileng leh mawtawte khawlsak in om a, Indian satellite channel zong TV ah khahkhiat ding kham(phal lo) uhi. Ko zum nasemte zong alang (50%) hong ciahkik in alang ka om uhi. Inn lam zong phawk man lo-in kisa vengvung hi. Kizopna a huaisiat zawk lai leh kumpite’n nawnkhiat sipsip hong sawm uh a, nek-le-tak bang zong nipikal khat a ding lei kholhsa in kikoih hi.

Tua kum March kha nipi zingsang khat ka lawmnu ‘bazar’ pai dawn ding a inn pan ka kumsuk hiathiat leh, ngaihtak a ‘BOMB’ puak ging khat ka za hi. Koi ah, bang a? ci-a taiphei kawm a ka khuadak phei leh ka building gei ua biak-inn khat ‘International Presbyterian Church’ kici tawlet umna maan (glass) hong kitam zuaizuai in, a sung pan meikhu hong zamkhia ngoingoi hi. Tua kikhopna munah migilote’n ‘grenade’ va lawn lut uh ci-in thuthang kiza hi. A sunga kikhawmte kahna leh maunate kiza a, pawlkhatte sisan kai niaunuau kawm a taikhia ka mu hi. Huh theihna lampi om hiam ci-a ka va naihphei leh ka lawmte khat in, “Va lut laizang ken. Bomb puaksak pa hi ci-in hong ngawh kha ding uhi” hong ci hi. Sawtlo khit nungin, thacing mahmah FBI honkhat a thau/meithal uh tawh tua biak-inn kimkot ah ding dim uhi. Hih biakinn ah a tamzaw ‘foreigner’ kikhawm uhi. Tua ni zingsang a kikhawm pawl in pangkha le ung, a kituakkha ding himai! A munah ‘American diplomat’ khat zi leh a tanu khat tawh sim in mi 5 si uh a, tampi liam uhi. Hibang thupiangte hangin gamdang pawlkhat US, Germany, British cihte in Pakistan ah bitna omlo hi, ci-in a mite lak uah numei-naupangte a gam uah samkik uhi.

Hibang kawm kal-ah April kha zingsang khat zum kah ding a kuan, mawtaw lam naih a ka paiphei leh nakpi tak a huhna ngen a kiko aw’ khat ka za hi. Ka khuadak phei leh Arnold Schwarzenegger ciacia ding ‘mama’ (ISI volunteerte cihna) thum/li te’n ka lawmte khat uh zum kah ding a kuan kimlai man ut lua kisa vok delh in a nungah delh henhan mawk uhi. A phak tak ciang un mancip uh a, a lu tuamsak in, mawtaw (truck) tawh pua khia hiau uhi. Tua mun a om ko pawlte mi guk khawng ka pha uhi. Ahi zongin amah hotkhiat theihna ding lampi omlo ahih manin, cinema ‘last fighting’ et bangin ki-en hekhak lel hi. Nai 7/8 sung thudotna leh gawtna a thuak zawh ciangin inn hong tung hi. A zing ciangin nohkhiatna lai mu a, ni 7 sungin i gam lamah ciangkhut khun sa-in hong ciahsanta hi. Tua ni pen a kuan nunung lam ah ka pankhak manin a tuakkha lo suak hi’ng.

Tua kum mah June kha pawl in ko pawl ka buai henhan leuleu uhi. Kizopna huaisia semsem in, kido taktak ding zah dong a thu hong thang vengvung ciang in, Kumpite’n zong hong nawnkhia ding vanleng bang kisa sa’n koih leuleu uh a, kisa sa a om ding in thupiak kingah hi. Tua bang a kinawnkhiat (evacuate) ding vaihawm a, kiginni (Saturday) natawm nasem a kuan ka lawmte khat mah lampi-ah na pang uh a, gukhia (kidnap) hiau uhi. Nai 7/8 sung ding khawng mah gawtna/sawina leh thudotna a thuak zoh ciangin hong kikhahkhia hi. Inn hong tun ciangin a khe tawh zong ding zolo in, zun-tha ek-tha ding nangawn ngong kawi kawm a paipih ngaingai kul hi. Tua ni kiginni (Saturday) hi a, vakkhiat ni a kizang hinapi in ka pusuah loh ni tawh kituak zenzen. Ni thum khit ciangin PNG puang uh a, lum diatduat sa-in inn lam hong ciahkik hi. Cihmah bangin eilamte’n amau zum nasemte khat Delhi ah man in thudotna nei uh cihthu om ahih manin, a thuak kha hilel hi.

A thuakte lakah ka pang khak loh hangin, lungnuamtak in ki-om hithiat thei tuan lo hi. Hici bang kawmkal ah kum thum bang hong cing in 2003 October 6 ni-in Pakistan ka nusia uhi. Tua zawh a kipan ‘suakta kisa in’, hih article……

Neucik hileh a kithuak kha thei ding hi napi’n tua bang kawmkal ah Pasian in ZCF, Delhi in ‘Silver Jubilee’ a lopna zang thei ding a cidamna hong pia leh hong gualzawhpih ahih manin, A min phat ing. ‘Golden Jubilee’ ciangdong hong mualsuahpih ding zong lamen hang.

Articles ZCF, Zomi, zomi christian

By H. Dongminthang Simte

The Author:
H. Dongminthang Simte, Matriculation: 1984 (CT High School), P. U. C : 1986 (CCpur Govt. College), B. A. Pol. Sc. (Hons) : 1990 (Ramjas College, D. U), M. A. ( Pol. Sc.): 1992 (D. U), Service: Inspector, Income Tax (1993), Promoted to Income Tax Officer (2001), Married: 1995 (one son and one daughter), With ZCF (D): As per record of ZCF, Present Add. 111-A, L-2, DDA Flats, Kalkaji, New Delhi – 19, Permanent Add (Parents): Sim Veng, CCpur. He is the former Secretary of the Zomi Christian Fellowship, Delhi.

I feel greatly privilege to have been invited by the Editorial Board to contribute an article for the Silver Jubilee Souvenir. Having been associated with the ZCF for s decade or so, I take this opportunity to jot down a few lines by taking a trip down the memory lane.

The Genesis:
Conscious of our common identical genesis and understanding the complexity of living in a multi-facet metropolitan city like Delhi, our pioneers started the Zomi Fellowship (the word Christian was later added) in 1982. Initially, a more or less weekly evening prayer meeting of a handful of persons, the fellowship has grown in number and strength over the years. Crossing the imagination of our founding fathers, the member had increased by leaps and bounds and within a decade of its commencement, it reached it zenith in the beginning of 1990s. Afterwards, it began to tumble leaving behind the sterner stuff who should be able to withstand the wind of secession.

The Pinnacle:
The end of the 1980s and beginning of the 1990s witnessed a large-scale influx of our people to Delhi in search of greener pastures and better education driven by either pull or push factors or both. This had far-reaching consequences on the future course of ZCF. Until the late 1980s, ZCF was more or less a household gathering, meeting in few numbers on Sunday in one house after another facilitated by some generous persons except on special occasions like Advent Christmas or Freshers’ Meet when members flocked in a big number. The beginning of the last decade of the 20th century, however, changed the landscape of the ZCF tremendously. Since then, the ZCF has been meeting in a Church, in the real sense of the term, in a big central located Church Building at Parliament Street, which continues until today. Credit for finding such a good place should go to Pu T Gwite, IPS retired, Pu P Gangte and Pu LT Ngaihte who always kept a watchful eyes for such a place, which could accommodate the growing numbers. After this, there was no looking back for the ZCF.

I can recall, in a twinkling of an eye, some of the unfading fond memories of those days: our beloved advisor, Pu T. Gwite skillfully playing on his key-board while Ngaihman was presenting her sweet numbers; the large gatherings on the days of advent Christmas and Freshers’ Meet when spirit of love and affection was being exchanged which made one feel ‘home away from home’ followed by a grand feast; the Christmas rendezvous at Pu L.T. Ngaihte’s residence with the whole night community singing(leengkhawm) to name a few, were, which marked those days that were gone by. Unfortunately, these things became things of the past. It was the ZCF that was! I call this period as the ‘Golden Period’ in the history of the ZCF when the pinnacle of the fellowship was reached, not in terms of what historians called it but in terms of the INCLUSIVESNESS of the fellowship when everyone could called it as his / her own. Recalling of those days cannot but make one feel nostalgic and void.

The Exodus:
As if the law of diminishing returns or utility was operating in the case of ZCF as well, the atmosphere of common brother was short-lived which started withdrawing from the common fold. In fact, the late 1980s and early 1990s witnessed the mushrooming of various students organisations in Delhi which provided the fertile ground for the subsequent sprouting up of various fellowships/ churches based on tribe, language (or dialect) and denomination as is the practice in the home state. This was followed by the exodus of one group after another from the main fellowship. This happened despite the fact that it runs anti- thesis to Christian teachings and the crying in agony of Christ on the cross. Thus, the original purpose of the founding fathers for a common ground is thwarted. Some people call this as the price of number as the number has grown so much so that it reached the unmanageable limits.

There is, however something deeper inside to be reflected upon rather than seeing at its face value. Why had all these things happened? Is it because the leaders of those days had not done what they ought to have done or had done what they ought not to have done? Or is it because narrow parochialism, denominationalism or linguistic chauvinism over-rides Christ teachings on the Mount Olive? Or is it because of a sense of insecurity being prevailed among the people? Or are we more concerned with the name than its value?

The attempt here is neither to point accusing fingers at somebody nor provides the answer to these questions. The answer lies with each one on the basis of one’s inclination and way of thinking which one is subscribed to. At best, it is complacently called as the ZCF becoming of age which like a mother (tree) has started bearing children (fruits) and enabling them to establish their own homes (branches). At worst, it exposes our real Colors willing to serve SELF before others. Old habits die hard. The bottom-line is that we are still what we are irrespective of where we are. This is a sad moment in the history of the ZCF and a sad commentary on it.

The survival:
Despite all odds and falls, the ZCF has survived. And it must. However, in order to not only survive but continue as a viable and effective instrument of God’s ministry, the fellowship has to re-orient itself with renewed vigor. The beginning of the 21st century has witnessed the ZCF being re-oriented itself into a full- scale Christian ministry. The engagement of a full-time Pastor is a case in point which is a move in the right direction. The ZCF has to not only survive as a symbol of a socio- culturally homogeneous groups of people but also as a symbol of a universal fellowship/church which is willing to reach the un-reach and providing new hope to the hopeless. The focus should be more on evangelization and soul- winning while edifying the saints. It is the ‘Sine quanon’ for its survival and continuity and is the ‘raison d etre’ of every Christian organisation. “For bodily exercise profits a little, but godliness is profitable for all things, having promise of the life that now is and of that which is to come”. 1 Tim.4:8. Gospel alone can heal our dying land. It is the crying need of the hour. Herein lies our survival and revival.

Articles ZCF, Zomi, Zomi Christian Fellowship

Silver Jubilee Brief Reports

Zomi Chirstian Fellowship, Delhi, kum 25 a cinna 27th February 2007 in Free Church, Parliament Street, New Delhi ah thupitakin lawpna neih a hi. Hih Silver Jubilee lawpna programme zingsang lam 10:30 in kipan a nitak 5:00 p.m. in programme ki zo hi. Evan T.K. Lian leh Mrs. Grace Neihsial ten programme makai hihna siamtak leh nuamtak in ong laksak uhi.

“To God be the Glory” (Psalms 29:2) thupi a zang in Pasian kiangah kipahna tawh hih hun nuamtak in zang ahi hi. Praise and Worship team te makaihna in mipi paikhawmten Pasian Phatna nuamtak in neih ziah ziah khit ciangin, Rev.G.K. Joshua, Pastor, ZCF in Jubilee honna thumna nei in, Makai masa te, Advisor , Pastor tuam tuam te leh tulel a fellowship tuam tuam makai 25 ten Jubilee dak 25 vei khetna leh meivak 25 vakna nei in hun pat ahi. Tua khitin Jubilee slogan Upa N. Thang za Khen makaih na tawh Pasian thupha ngetna leh Jubilee tungtawn a suahtakna lakna hun mipi in kiko zuazua in awng ziah ziah uh hi. Hih Jubilee tungtawn ah suahtakna leh nopna, kithutuahna leh damna te ong omna ding in mipi te Pasian minin thupha ki pe ziah ziah hi.

Vaidawnna leh ZCF, Delhi, hong kiphuh khiat zia leh Pasian in ZCF a makaih zia ZCF Chairman, Mr. G. Swan Za Lian in genna nei hi. Aman a gena a, Pasian makaihna kia bek tawh kum 25 mel kimu thei ahihmanin, Pasian thupi na teng teng I Pia hi, ci hi. A gen toh zelna ah , hih fellowship tungtawn in mi 8 full-time a ding kipia uh a, tulel in missionary mi 5 ki vak hi ci hi. Member 400 val pha in, Pasian hehpihna tawh hih Fellowship in mailam nawt to zel ahihmanin, Pasian a muanhuai dan gen pi in nei hi. Hih Fellowship a pat in Fellowship dang dang 7/8 inn tuan khia in, tu in Mother Church suakta hi. ZCF in Zo Pau tuam tuam a Pasian bia in phat ahihmanin, Fellowship dang te tawh a kibat lohna khat ahi hi zong ci hi.

ZCF, Delhi, a kiphutkhiat nung a kipan hih ni tan a ana phamsa te phawk gige Mr. Khakhai Zou, Vice Chairman makaihna tawh neih ahi. Makai/member a na phamsa te Pu.N. Gouzagin,Ex-MP, Pu Thangkhanpau Guite(Advisor),Dr. Hempao Lhungdim(Chairman) Rev. Khup Za Go(Pastor), Mrs. Mary Simte Bajaj(Executive Member), Tg. Kaizalian(Member), Tg.Thangkhanlian(Member), Tg. Kap Do Nang te ahi uhi. Amaute itna leh phawk tawntungna in minute khat daidide in mipi in hun zang hi.

Delhi a Church/Fellowship tuam tuam om te, EBC, EOC, NTBC, Gangte Christian Fellowship, Kuki Worship Service, Vaiphei Christian Fellowship, Hmar Christian Fellowship, Manipur Christian Fellowship, Church of Christ etc in hih jubilee a uap banuah amau lapawl hoihtak tak tak hong sa in, Jubilee nuam sak mah mah uhi. Tua banah ZCF Calcutta, ZCF Guwahati a pat in hih Jubilee lawpna ong uap thei uh hi. Lapawl ngaih nop mah mah ZCF Choir, Hmar Christian Fellowship, Vikaspuri Prayer Cell, Evangelical Baptist Convention Church, Vaiphei Christian Fellowship, Kuki Worship Service, Manipur Christian Fellowship ten Pasian phatna in siam tak in sa chiat banah, la siam tak tak Lia-le-Tang, Lianpi, Chochong, Seasonal Winds, David & Thianching, Care and Concern Ministry, The Jewels, Ms. Florence leh a dang dang ten zong Pasian phatna la ngaih tak tak sa uh hi. Tua kia hilo in Recitation Tg. Go Sawm leh Lia Liannu a pat in ngaih khiat in om hi. Lia Liannu Psalm 119 pumpi gen a hihmanin, Zo Khuak computer nei na hihmanin, Pasian in thupha tampi ong pia sem sem hen ciin Upa Thang Za Khen kiko khe zua zua hi. Lia leh Tang ten Jubilee a ding a la phuah giat uh sa in lam tawh hong lak uhi. Hih Jubilee a ding in la thak thum kiphuak a, Rev. G.K. Joshua in a phuah “Halleluiah” cih ZCF Choir in sa uhi. A dang la kiphuak te pen, Vikaspuri Zomi Prayer Cell leh Lia leh Tang te sak ahi hi.

ZCF, Delhi, in Missionary tulel in nga support a, tua te lakah ah 3 a kihel uh a, amauten zong Mission Field Report na nei uh hi. Pastor K.C. Thomas in Punjab Nission Field Report pia a, Evan Totong in Delhi Mission Field Report piakna nei hi. Pasian gama ding a a sepna thu uh, zak ciangin, mipi ong tha thosak mah mah hi. Mission Board in Missionary love-gift Rs.1000/- ciat piakkhiatna zong nei uh hi.

Hih hun in, Pu V. Dongzathang, IRS (Retd.), Founder Chairman in thugen na nei hi. Tua banah, Rev. Patrick Motilal, Pastor, Free Church, Pu K. Kipgen, IAS(Rtd.), Rev. Raja Singh, IEM, Dr H.T. Sangliana, M.P. (Lok Sabha) leh a dang dang ten zong thugenna neih ban uah Jubilee Greetings mun tuam tuam a pat in tampi muh in om hi.

Silver Jubilee Souvenir Board in Souvenir “Rock of Ages” cih honna Pu Dongzathang, IRS (Retd.), Founder Chairman, in nei hi. Tua Souvenir sungah thu hoih tampi kigelh ahihmanin, a lei kha khempeuh in manpha sa uhi. Tua banah, ZCF makai a ana pang kha sa te leh ulian zantakhuai tak tak a uap te Mementos piakna zong neih ahi hi.

Hih Silver Jubilee ni in, ana phamsa “Rev. Khup Za Go one time Memorial Award on Outstanding Christian Leadrship and Service” piakna zong nei ahi hi. Hih award pen Rev. Dino L. Touthang, Executive Director, EFICOR & Chairman Unau Joint Christian Fellowship, Delhi kiangah Rev. G.K. Joshua in piak khiatna nei hi. Tua hun sung in Mrs. Khup Za Go leh a tate zong ong ding khia in mipi mai ah ong om ciangun, mipi paikhawmte nakngekna sak in, mit san liap luap in tampi om uhi. Hih Award kipe pen Citation, Memento leh Rs.5000/- ahi hi.

Khalam annkuang luina Rev. (Dr.) J.M. Paupu, General Secretary, CBCNEI, in nei a, Jeremiah 29:4-14 pansanin Delhi a Zomite Pasian in hong koihna hang pen ginglote lakah Pasian zong a ama deih dan a khosa ding in, ih omna khotang te ettawn tak hi a Pasian thutak hinkhiat pih ding ahi ci in mipi te hanthawtna nei hi. Mipi paikhawmte tou mah mah ahihmanin, Pasian deihbanga om ding hanciamna tawh lungsim bawl in mipi ten sang mah mah uhi.

Lungdam thu puakna Pa Haulienkap, Jt. Secretary in siamtak in ong gen hi. Hih Jubilee a ding tawh kisai a, thu leh la, thumna, sum leh pai hiin deihsak na ong khak teng teng kiangah lungdamthu genseng loh a puak banah, Pasian thupi na a pia hi.

Hun khakna dingin mipi in”Topa Hoih hi, Topa Lian HI” cih sa zua zua in hun sa lo takin Jubilee khakna thuma Rev. Khamkhanchin, Pastor,EBC in nei hi. Tua khit in angkuang luina nei in nuamtak in Zomi Christian Fellowship, Delhi, Silver Jubilee lawpna zou ahi hi. Jubilee lawp sung a ong pai Zo suante leh a dang dang te mi 1000 bang hiding a tuat ahi hi. Hih sung mah a ut dan dan a dawn theih ding in Coffee/Tea/Soup sung nitum in Hindustan Lever a pat in kimu hi. Jubilee programme video coverage hoihtak in kibawl in hawm khiat theihpah ding lam et ahi hi.

Topa’n thupi na, pahtawina teng teng tang ta hen Amen!!

Reports ZCF, Zomi, zomi christian