Topa lamah kiheikik ni
Tapa taimangpa apa innpi pan taikhia hi. Sum hunkhop toh tai khia hi. A taikhiatpih sumteng pen apa sum ip
toh kizom non lou ahih man in abei hun ong tung ta hi. A sum ip a .atlou a sum a om kik nading in apa inn a
achiah kik kisam hi. Jesu’n Samari numei nu kiang ah “Hih tui a dawn khempeuh dangtak kik ding uh a,
Ahi zongin keima piakding tui a dawn khempeuh dangtak kik nawnlo ding uh hi. Tua ka piak tui a
dawnte sungah nuntakna tuinak piang ding a, a nungtasak paisuak ding hi,” a ci hi. Pasian in” Kei
mah kiang ah hong kihei kik ta un, keizong noute kiang ah kong kihei kik ding hi” a ci hi Tapa taimang
acihmoh hun in apa inn ah ciah kik hi. I ciah kik nang munte tawm I en ding hi.
1. Pasian toh iki muhna mun ah I chiah kik ding hi: Pasian in Jacob kiang hibang in na ci hi “Kithawiin
Bethel-ah paito in la, tua lai-ah teng in. Na sanggampa Esau’ kiang panin na tai hun lai-a nang’
tungah a hong kilang Pasian-a’ dingin biakna tau khat bawl in,” Jacob pen Pasian in Bethel a biakna tau
bawl ding bek in cilou a, tua mun ah ‘teng in’ ci hi. Nipini bek a Pasian biakna tau I bawl ding hilou in
hunkhem peuh mun kem peuh ah Pasian iphat, ibiak ding Pasian ong deih na ahi Pasian toh iki muh tuoh
hunlai in bangzah tak in Pasian iphat nuam den uhiam? Israel te Galte gam ah Pasian phat thei non lou uhi. A
tumgingte uh muisuum sing hiang peuh ah khai uh a, lasa ding ua aki cial hang in lasak ding tha nopna
neizou non lou uhi. Lawptak leh lungdamtaka Pasian a phat ziahziah nag am leh mual Zion lung gulh uhi. I
Bethel ah ciah kik ni hangin tua ah Pasian adding in biakna tau bawl kik ni.
2. Pasian toh iki khawl na mun ah ciah kih ni: Nikhat nitaklam ninem hun in Pasian Eden huan Adam
toh ki-khawl ding in hong pai hi. Akikhawl zelna mun uah Adam na om lou ahih ciang in lung himawh mahmah in “Adam aw,Koi lai-ah om na hi hiam?”ci in sam hi. Mari sanggamnu Martha in Topa ading in na hahkat taka sem in buai den hi. Jesu sang in Jesu a-ding nate buai pih zaw hi. Pasian in amah toh I ki khawlh
khawm-omkhawm ding deih pen hi. Pasian nasem a buaiden a Pasian phatding biakding amahtoh
omkhawm-khawlkhawm, houlim khawm leh tawn khawm khamanlou,khangeilou in ki om thei hi. Pasian
Recent Comments